Sta pagina la xe stà trascrita, ma la gà ancora da vegner rileta.
CIACOLE D'OCASION.
Initium sapientiae timor Domini.
Ps. CX, 10.
GIORDANO? Chi? Mi me ricordo d'uno
Che xe mestro de musica dramatica...
Bruno? E chi xelo sto Giordano Bruno?
La scusa, sala, mi gò poca pratica;
Bruno el lo scrive con un ene solo?
Cossa vorlo, me manca la gramatica.
A studiar me vegniva el torzicolo
Che i mestri i me lavava el cao col rano,
Ma el rano col saòn l'andava in scolo.
E la so profesion de sto Zordano?
Càspio, cossa el me conta! El gièra un frà
Desfratà, giacubino e luterano!