Pagina:Le Ciàcole de Bepi, Roma 1908.pdf/129

ANNIVERSARIO.

Il dolore è veramente una cosa augusta.

A. Fogazzaro, La bell. d'un'idea.

I.

SE me recordo?! Giera el quatro Agosto,
     Che, serà in caponèra e soto ciave,
     Sudavimo in quel ludro de Conclave,
     Un zorno coti a lesso, un zorno a rosto.

Se sentiva un odor tre mia discosto,
     Ma che strazzo de odor poco soave!
     Tra el bacalà, la pegola de nave
     A 'l gorgonzola quando el xe indisposto.