Pagina:Le Ciàcole de Bepi, Roma 1908.pdf/115

Sta pagina la xe stà trascrita, ma la gà ancora da vegner rileta.

INDOVE ME DOL.

Solo il mio desiderio è senza fine.

Ariosto, XXV, 26.

I.

DOPO disnàr giera montà in Parnaso
Dove che, solo senza alcun sospeto,
Spianava i soratàchi d'un soneto
Messo in forma per lori del Travaso,

E vorli vèdar co se dise el caso?
La pena la gavèa qualche difeto
E sicome, se sa, scrivo pocheto,
Cussì l'incïostro gavèa fato el taso.

Donca tiro la pena e... marameo!
La gera dura! Basta, xe sucesso
Che me son sbusà qua, come un babeo!