SCENA III.
Tosc. Momolo, son qua. Patrone.
Gn. Paron sior Marco.
Bet. Paron.
Mom. Bravo, sior Marco! bonorivo.
Tosc. No voleu? In sta sorte de zornae, me par de tornar zovene.
Gn. E zelo vecchio forse?
Tosc. Sessanta oto.
Gn. Me par impussibile.
Tosc. (levandosi la berretta, e mostrando la sua canizie). Ma no vedè, che gha nevegao?
Bet. De dia! No el ghe ne mostra gnanca cinquantatrè.
Tosc. Ghavè do bei ochi, ma sta mattina i fa scuro.
Bet. Cossa voravelo dir?
Tosc. Oh! gnente altro, che a mi el mandolato no me piase.
Mom. E vostro fiozzo?...
Tosc. El vegnarà. (poi sotto voce a Momolo). Oe, Momolo? me fido de vu... Do parole a la puta...
Mom. Che cade! No vegnimo minga da l'altro mondo?
