Pagina:La regata de Venezia (1845).djvu/58

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Angelini, e Valentini,
     Pedràli, Angioli, e Novelo;
     Dei Rufini, Forzolini,
     276Caburloto, e dei Vianelo.

Nomi questi tuti celebri
     De Regata ne l'istoria;
     E dei quali senza termine
     280Sarà cara la memoria.

Me dispenso de discòrerve
     Dei momenti i più felici
     Che passava quei dal prèmio
     284Fra i parenti, e fra i amici.

Za pol tuti far el calcolo
     Che i godeva in proporzion
     De l'afano e de l'angustia
     288Che i provava in ste ocasion.

De sto publico spetacolo
     Che Venezia usava dar
     Ai Monarchi, ai Duchi, ai Prencipi,
     292Quà fenisso de parlar.

Barcaroli! ho dito tuto:
     Imitè i vostri antenati:
     Chiame 'l Cielo in vostro ajuto:
     296Siè devoti, e moderati.

Rispetève, e siè prudenti;
     A Fazion no ghe abadè;
     Sarà alora che contenti
     300Sempre più ve chiamarè.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:La_regata_de_Venezia_(1845).djvu/58&oldid=66182"