Pagina:La regata de Venezia (1845).djvu/13

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


I.


PROEMIO, ORIGINE, E IMPORTANZA.


Da poëta el più possibile
     A la man e popolar
     La Regata de Venezia
     4Vogio in versi celebrar.

Ma lo digo schieto e neto
     Da sincero Citadin,
     Che mi trato sto sogeto
     8Certamente col mio fin.

Steme atenti, Barcaroli,
     Chè xe vostro l'argomento:
     Steme atenti, cari fioli,
     12Co pie e man meteve drento.

Quà se trata de la gloria
     Che ve deve star a cuor.
     Badè ben: xe quà l'istoria
     16Che recorda el vostro onor.

Farò un sforzo per descriverla
     Più che posso al natural:
     Vogiè in mente ben ficarvela,
     20E tendèghe a la moral.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:La_regata_de_Venezia_(1845).djvu/13&oldid=66136"