Pagina:La gloriosa epopea.djvu/289

Da Wikisource
Sta pagina la xe stà trascrita, ma la gà ancora da vegner rileta.


ADIO AI ROMANI


Fradeli, eco l'adio che el nostro cuor
    Ancuo ve lassa fra sta bela union,
    Zachè da qua lontan el patrio amor
    4A difesa ve vol de la Nazion.

La santa causa, la virtù, el valor
    Ve fazza strada a le più bele azion;
    Fradeli adio ne separa l'onor,
    8Ma ne unisse la fede e l'intenzion.

La gran Mendica intanto se farà
    Per nu rica de gloria, e sentirè
    11Come amorosa la ve ciamerà.

Romani ricordeve sta Laguna
    Dove la dona nel so mar se specia,
    E da per tuto indove la fortuna
    Gran imprese onorate ve parecia
    Viva l'Italia indipendente e Una
    E Venezia dixè, zachè la vecia
    Storia ve segna che xe i Veneziani
    19I veri discendenti da i Romani.

26 Dicembre.

El Barcariol Venezian.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:La_gloriosa_epopea.djvu/289&oldid=72290"