L'ITALIA PREGA EL SIGNOR
CH'EL L'AGIUTA
Canzoneta Popolar sul'aria del Nabuco
O Signor, dal celeste to trono
Dà all'Italia infelice un'ociada
Che, pur tropo, la xe deventada
4El ludibrio de le altre nazion.
Come piegora in boca del lovo
La xe in man dei so re, povareta!
Da ti solo socorso l'aspeta;
8La te fazza, o Signor, compassion!
Meza quasi la xe dei croati;
Xe le cosse più sacre violae;
Vien dai re le cita bombardae;
12Sora i popoli regna el teror.
Ah! finissa una volta sti afani,
E sia libero alfin sto paëse!..
Risonar tuti alora le chiese
16Del to nome faremo, o Signor.
- 27 Ottobre.
- Toni Pasini.
