Pagina:La gloriosa epopea.djvu/239

Da Wikisource
Sta pagina la xe stà trascrita, ma la gà ancora da vegner rileta.
GENOA E VENEZIA


NEL SETTEMBRE MDCCCXLVIII

CANZONETA POPOLAR1


La nazion liberal Genoëse
    La sa quel che vol dir Italian;
    E scordando le antiche contese
    4Generosa a Venezia dà man.
        Viva Genoa che libera e forte
        Dala morte — ne agiuta a scampar
        Viva l'Italia, la bela contrada
        8Circondada — dale Alpi e dal mar.

Su sto mare de soto sto cielo
    Quanto sangue che Genoa à versà!
    O vergogna! sul vinto fradelo
    12El fradelo vitoria à cantà.
        Viva Genoa che libera e forte
        Dala morte — ne agiuta a scampar
        Viva l'Italia, la bela contrada
        16Circondada — dale Alpi e dal mar.

Maledetti quei tempi, co tuti
    I italiani se odiava de cuor;
    Co i vasceli de Genoa distruti
    20Dava gloria a Venezia e splendor!
        Viva Genoa che libera e forte
        Dala morte — ne agiuta a scampar
        Viva l'Italia, la bela contrada
        24Circondada — dale Alpi e dal mar.

Sti do popoli adesso xe unidi
    In amor, fradelanza e virtù;
    E capindo che i re li à tradidi
    28I ga dito: faremo da nu.
        Viva Genoa che libera e forte
        Dala morte — ne agiuta a scampar
        Viva l'Italia, la bela contrada
        32Circondada — dale Alpi e dal mar.

28 Settembre.
Toni Pasini.
  1. Sull'aria dell'Attila: Cara patria madre regina.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:La_gloriosa_epopea.djvu/239&oldid=69489"