Zan. (O’ promesso, ò zurà tanto e po tanto
Che ò fato pase al fin con Anzoleta.
Cara culia! No vedo l’ora certo
Che la sia mia Muger.) O Sior Nadal da se.
Nad. Oh Sior Zenero.
Zan. Come la magnemio?
Nad. (E tuti parla sempre de magnar!
Mo la gran cossa!) da se con dispetto.
Giu. (Queste sono frasi
Che fan venir la febbre al mio Padrone.)
da se.
Zan. À la ordenà el disnar?
Giu. Oh sì Signore
È magnifico il pranzo! Il mio Padrone
In si gran giorno non si vuò far scorgere.
Oltre, ducento risi giganteschi
Ci sarà per Lei solo almeno almeno
Un’oncia intera di bove bollito,
E mezzo un quarto di pollo gentile
Impallato alla Turca sullo spiedo:
E un pezzo di formaggio, ed un finocchio,
E un bicchiero di vin, che dice bevimi.
Zan. Eh che sè mato! Questo xe un disnar
Da oseleti, da piavoli! No credo
Ch’el vogia tanto farse vardar drio,
N’è vero Sior Missier?
Nad. Cosa voressi?
