Zan. OIbò! La Gnora Luna! Mo che diavolo!
No savè sonar altro? Via da bravi!
ai Ciechi.
O cussì. Andemo pur. Cara sta zogia.
tenendo per mano Anzoleta.
Andemo; zo.cominciano il Minuetto.
Lug. (Bisognerà che bala
Per insegnarghe a sti Siori a balar.
Che sesti! Che scamoffie!) da se.
Tutti. Bravi! Bravi! finito il Minuetto.
Mat. (Ma! Una volta anca mi!... ) da se.
Il Co. Signora mia,
S’Ella non isdegnasse di onorarmi... a Lug.
Ton. (Balerave anca mi, mi!) da se.
Mat. Cara Niora,
Ti bali, che t’incanti.
a Anzoleta che gli va a sedere appresso.
Lug. Per dar zoso
Un pocheto el magnar, via vegnì qua.
Ma saveù po balar? al Conte.
Il Co. Lo mette in dubio?
Nad. (Oh! Se no gera svelto a cascar zo
Bisognava pagar la portadura!
Cussì no gò dà gnente! Za saveva
