Me voi bagnar le man.
Ton. si soffia il naso nella salvietta.
Lug. Disè, Sior porco,
Coss’aveu fato quà!
mostrandogli la salvietta sporca.
Ton. Sia malegnazo!
L’aveva tolto per el fazzoleto.
Lug. Tolè. gli dà uno schiaffo, e strappa dal collo la salvietta.
Che un’altra volta impararè.
Anz. (Lo lassela mai star povero diavolo?) da se.
Lug. Coss’è? sisèu? a Tonin.
Ton. Me dol.
singhiozzando, e tenendosi la mano alla guancia.
Pas. Gò proprio gusto! da se.
Zan. Mio via, Anzoleta, steme alegra un poco.
Deme almanco un’occhiada. In tuta quanta
Stassera no m’avè gnanca vardà.
Anz. Eh gaveremo tempo de vardarse!
Se vardaremo, no ve indubitè.
Adesso, Sior, me sta sul cuor mio Pade.
Dove l’au fato andar? Gnancora el vien?
