Pagina:In gondoleta.pdf/61

Sta pagina la xe stà trascrita, ma la gà ancora da vegner rileta.

XE 'L TO BALCON SERÀ!...

(PER MUSICA)

Xe un zorno malinconico:
     No piove e no gh'è sol....
     Passa su l'aqua, adasio,^[1]
     4Tasendo, el barcariol.

Pesa su la mia anema
     Gran fiaca^[2] e gran sconforto....
     Se tento de resisterghe,
     8El cuor tase: el par morto!

No penso: par da nebie
     El pensier mio copà....^[3]
     Xe un zorno malinconico,
     12Xe 'l to' balcon serà!...

↑ adasio = adagio.
↑ fiaca = stanchezza.
↑ copà = oppresso.

[1] adasio = adagio.

[2] fiaca = stanchezza.

[3] copà = oppresso.

[1]

[2]

[3]