Pagina:Il vespaio stuzzicato.djvu/81

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Com'è possibil viver mai giocondi,
     E de tranquilità trazer mai fruto?
     Parlo con vù, che l'Universo tuto
     200Vossè in possesso, e sospirè più Mondi.

Mati Alessandri, i vostri dolci è amari.
     E chi esentar ve puol mai da paure
     De felonie, de tacite congiure,
     204De tumulti improvisi, e populari?

Tien la testa el Tiran soto la spada
     Pendente, e nua, che a sotil fil se ataca,
     Facile a piombar zoso, e a dar la paca;
     208E no' repara el colpo elmo, o celada.

Quante se vede mai tragiche scene!
     Strangolà xè Vitelio, Oton se amazza.
     Se strassina Eliogabalo per Piazza:
     212Quintilio, e Florian s'avre le vene.

Avelenò Claudio a l'Inferno passa.
     Mortal Sardanapalo el salto spica
     A brustolon. Policrate se impica,
     216E in varie forme altri la vita lassa.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Il_vespaio_stuzzicato.djvu/81&oldid=62942"