De i tumulti della Città, e della quiete della vita solitaria.
Che pigrizia è la mia? perche no' fazzo
Quel, che più volte hò protestà de far?
Csse pensio più? che staghio più à guardar?
4Resoluzion. Se rompa al fin sto giazzo.
Perche no' lassio le Cità importune?
Bale, e bossoli, via. La parte è presa.
Straco pie, mente aflita, anima ofesa,
8Cerchemo a Ciel'averto altre fortune.
Scampemo pur da Citadini insulti,
Da invidie, da busie, da crepacuori,
Da fraude, da malizie, da rancori,
12Da strepiti, da lite, e da tumulti.
Che Cità? che Cità? zanze, e fandonie,
Insonij, e fantasie de chi delira.
S'avra i ochi una volta, e se respira:
16Libertà, libertà, che cerimonie?
