Pagina:Il vespaio stuzzicato.djvu/187

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Se in Casa ve trovè Sorela, o Mare,
     O Zermana, o Cugnada, o chi ve piase,
     Semo spedij, no' ocor sperar mai pase:
     240L'hà de continuo inversià la mare.

O quante acuse mai, quanti ingarbugi,
     Quanti manazzi, e quante man in fianco!
     E, s'una tria, l'altra no' ragia manco,
     244E vù stè saldi a tanti batibugi?

Eh sò ben mi che no' podè durarghe,
     E sò che sè tirai per i caveli,
     Vogia, o no' vogia a deventar crudeli
     248Col vostro sangue, e ve xè forza a starghe.

Le vuol tuto el dominio al fin de i fini,
     Ne bisogna rugarghe in le roane.
     Staga le compagnie sempre lontane:
     252No' ocor ch'altri ghe rompa i chitarini.

Che diseu de quel far spese ogni zorno,
     Per voler chiapar sù tute le mode?
     Le voria far tute le borse vuode:
     256Le voria haver tuta la dota intorno.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Il_vespaio_stuzzicato.djvu/187&oldid=62846"