Pagina:Il vespaio stuzzicato.djvu/183

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Mo che teste bisbetiche ustinae!
     S'è chiaro el dì, le vorà dir, che piove,
     Ne mai dal'opinion le se remove,
     160Se le dovesse anch'esser descopae.

Se volè rasonarghe, ele ve ragia,
     Stropando ale rason sempre le rechie;
     O le ve volta almanco le caechie,
     164Per no'n'haver da cederve una pagia,

No' le aceta consegi, ne arecordi,
     Tuto le sà: no' ocor niente insegnarghe.
     Le rvuol dir: no' bisogna replicarghe;
     168Se ben de Merli le dà nome a i Tordi.

Disè quel, che sentì, le se ne moca.
     Sempre sè un mato, e un babuin co'l'efe.
     Del vostro dir le se ne fà gran befe.
     172Parla Cagon, quando averzì la boca.

Lecito le se fà de meter leze
     Sù le vostre amicizie, e ve contende
     Quel, che più v'agradisce, e ve reprende,
     176E fà stupori, e v'hà per teste greze.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Il_vespaio_stuzzicato.djvu/183&oldid=62842"