Pagina:Il vespaio stuzzicato.djvu/134

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Quel pugnaleto a lai; quel bateleto;
     Quele spesse marende in barca al fresco,
     Quei Redutini, e pò qualche altro tresco,
     100Che dir no' me'l vuol far degno respeto.

O Dio! quela manopola, quel zaco,
     Quela celada al fianco, e quela targa,
     Quel fodro mezo averto a lama larga,
     104E quel cospeto d'altro, che de Baco,

No'l posso comportar. No' sò che farghe.
     Habia pazienza, s'à qualcun ghe toca
     De farse rosso. E, s'hò il mio cuor in boca,
     108A sta mia libertà forza è de starghe.

Più vergognosa perdita de questa
     No' se puol dar de tempo, e me vergogno,
     Con satirico stil, d'haver bisogno
     112De zanze a chi m'ascolta empir la testa.

Ma forsi me dirà quel Cagonzelo,
     Che pretende de far del bel in banca:
     Che importa adesso che'l cervel me manca?
     116Se acquisto età, me acquisterò cervelo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Il_vespaio_stuzzicato.djvu/134&oldid=62788"