Pagina:Il vespaio stuzzicato.djvu/106

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



S'hereditaria è gran richezza, ben;
     Lhò per le man: pazzia xè el recusarla.
     Ma che me sgorba, e che me amazza a farla,
     120Sbrenà tropo e'l Caval, demoghe el fren.

Me conteno de far modestamente,
     Quel, che far posso, e quando posso, e dove
     Più me lusinga el genio; e no' me move
     124Esempij d'altri, o befe dela zente.

Se gh'è però qualcun, che se contenta,
     E goda in spala de portar gran peso,
     A portarlo el fà ben: zà son inteso:
     128Che'l seguita el so' genio, e no'l se penta.

Parlo, se'l genio stà in le cosse honeste,
     Come el servir a Corte, a Magistrato,
     Dar giudicio, esser Miedego, Avocato,
     132O far altre fonzion, simile a queste.

Che'l vaga pur dove Natura el chiama.
     Ma chi contr'aqua nua, perde la forza.
     Una lume, che pena al fin se smorza,
     136Se gh'è chi supia a invigorir la fiama.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Il_vespaio_stuzzicato.djvu/106&oldid=62757"