Se ve ocoresse su le vostre piasse.
De i volontari da quatordes'ani,
Che se fabrica i s-ciopi co le asse
A piè par tera o co i sgherleti sani;
Che soto al naso de tedeschi e ulani
No i tasarìa i pensieri che ghe nasse,
Che no i dè miga ma che i par vilani
E che i g’à el sangue de le meio rasse;
Quà da i bastioni e da le piasse vecie
Co na carota che sta in piè su l'elmo
Calcado zo su i oci e su le recie;
Col sentimento de amicissia bona
In barba a l’aleansa de Guglielmo 2
Ve mandaremo i mostri de Verona!
Giovanni Ceriotto
Magio. Rideva el çiel quela matina
Fresca, el bel çielo de la nostra Italia;
E pur ’na bruta sorte era vissina
E la sentivi ’l cor che no se sbalia.
Za da tri giorni fiera e assassina
Ne tempestava adesso la mitralia;
Ma la trincea, ridota a ’na rovina
La seguitava ancor a far batalia.
L’ultimo asalto l’è sta verso sera
Ne la trincea, fra cumoli de sassi
E de morti, noaltri più non s’era
Che pochi automi de sbarar che sassi;
Po g’ò el ricordo de ’na gran bufera
Con urli in mezo a orribili fracassi 3.
Umberto Robbi
- ↑ Quando scoppiò la guerra cosidetta mondiale, ed i Tedeschi invasero il Belgio, i monelli (quelli che noi chiamiamo «mostri») per satireggiare gli insolenti invasori si schieravano davanti le caserme e indossati abiti stracci, con la spada e il fucile di legno ed una caróta sull'elmo di cartone, scimmiottavano i comandi e il passo cadenzato degli stessi tedeschi, i quali dovevano assistere a quella audace satira monellesca.
- ↑ Purtroppo l'Italia, innanzi la dichiarazione di guerra all’Austria del 24 maggio 1915, formava parte della Triplice Alleanza; e noi eravamo ancora nel periodo della neutralità, ma tutti gli animi degli italiani si sentivano legati d’affetto all'eroico e disgraziato Belgio.
- ↑ L'autore cadeva prigioniero durante l’offensiva austriaca nel Trentino, appunto nello stesso maggio del 1916.
