L’elica gira,
Romba ’l motor.
— Largo, se parte!
Tirève in là! —
Ah, che belessa!
Come se va!
Le rude rapide
Le sfiora apena
L’erba del prà.
Se va...., se va!
Pian pian le rude
Più no se sente..,.
Se bala ’n aria
Come sul mar.
Che legeressa!
Che delissiosa
Velocità!
Lagrima i oci,
Trema i zenoci
De volutà.
Come oselèti
Se va,.... se va....
Inebriandose
De libertà.
Se bala in aria
Come sul mar.
Oh, Dio, la tera
Come la ondegia!
Ecola quà,
Ecola là.
Mi no capisso
Come la fa.
El çiel l’è ’n basso?
La tera ’n alto?
Come se fa?
Cosse incredibili
In verità!
E ci sa dirne
Dove se va?
— Se va de quà,
Se va de là,
Senza giudissio
A l’impassà....
E gh’è ’l motor
Col so rusàr
Ch’el me finisse
D’imbriagàr.
Ah, che belessa
Che volutà
Andar cussì
A l’impassà
Con strepitosa
Velocità....
Senza capir
Dove se va!!
Umbro
