Pagina:Il dialetto e la lingua - Antologia vernacola.djvu/50

SERA D’INVERNO

I.

Fioca la neve. In stala
     L’è belo che no sò
     De sera far filò ¹.

El vento rusa ² forte:
     — Ci conta ’na rosaria? ³ —
     (Un can el baia a l’aria).

La rosaria del Re
     Del mago de le grote
     Che va in giro de note?
     — Nono, contè... contè.

II.

I puteleti scolta
     Del mago vecio moro,
     E le testine d’oro

Le casca zo dal sôno:
     Ma le putele ⁴ atorno
     Le sogna el più bel giorno

Che el Re vestì d’argento
     La bela va basar
     Oci ― celeste ― mar.
. . . . . . . . . . .
     De fora rusa el vento!....

III.

Le mame fa la calza.
     Quante rosarie bele
     Le sognava putele.

Dopo è vegnudo el Mago
     E l’à copado el Re.
     (Così presto, parchè?)

Dopo è ⁵ vegnù i pensieri,
     L’inverno, la tempesta
     I cavei bianchi in testa!...
Oh, tornar come geri!

IV.

Fioca la neve. I bo ⁶
     Scalda col fià ⁷ la stala
     E la fiameta giala

Del lume vol morir.
     Ci scolta la rosaria?
     (Un can el baia a l’aria).

Alora el nono chieto
     El tira su ’na presa ⁸,
     El varda in giro, a mesa
Vosse: — ch’andémo in leto? —

Sandro Baganzani

1. Filò è la veglia della stalla (vedi in fine, Dizion.).
2. Rusár è il rumor sordo del vento tra le fessure o in lontananza.
3. Rosaria: fiaba.
4. Putèle, come puleléti, sono in genere i ragazzi.
5. Nota quel verbo al singolare per: sono (v. Regole gramm. in fine vol.).
6. Bo: i buoi, troncamento quasi dal bove.
7. Fiato, ricorda il son. del Carducci: Dalla larga narice umida.... nel titolo «Il Bove».
8. Presa si sottintende, di tabacco.