39 Chi tien conto de la so vita, el la perderà: e chi gaverà persa la vita per amor mio, el la catarà.
40 Chi ve riceve vu, me riceve mi: e chi me riceve mi, riceve quelo, che m'ha mandà.
41 Chi riceve un profeta in nome del profeta, chiaperà la paga del profeta: e chi riceverà un giusto in nome del giusto, el chiaperà la paga del giusto.
42 E chi gaverà dà bever nome che un goto de aqua fresca a uno de sti picoli, come scolaro: ve digo in verità, che nol la perderà marza.
E CO Gesù ga finio de dar ste istruzion ai so dodese Apostoli, el s'ha mosso da quel logo, per andar a insegnar, e predicar in tele cità de lori.
2 Ma co Zuane ga sentio in preson quel, che ga fato Gesù Cristo, el ga mandà do dei so Apostoli,
3 E el ga ditoe: Xestu ti quelo, che ga da vegnir, o se ga da aspetarghene un altro?
4 E Gesù rispondendoghe el ga dito: Andè, e riferighe a Zuane quelo, che gavè sentio, e che gavè visto.
5 I orbi ghe vede, i zoti camina, quei co la lepra xe