Pagina:I sogni.djvu/48

Da Wikisource
Jump to navigation Jump to search
100 percent.svg
Sta pagina la xe stà trascrita e rileta.




I cavai del sior Liborio,1
con tirade larghe e fiape,2
15strapegando3 le gualdrape
de quel lusso de mortorio;

co la testa ben fornida
de penaci e de barbise,
che no 'l par, ma che te dise
20che 'na storia l'è finida;

co le gambe, che le tenta
le fadighe del salèso,4
par che i veda, par che i senta
che no i va çerto a batèso,5

25che no i va çerto a una festa,
par che i segna co la testa
una mimica così:

— Eh, te vegni sì!
Eh, te vegni sì!

30Ma nissun che ghe va a drio
se inacorse no, par dio!

  1. Vedi Nota.
  2. fiape: rammollite
  3. strapegando: trascinando
  4. salèso: acciottolato
  5. batèso: battesimo
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:I_sogni.djvu/48&oldid=66964"