10.
Se vegnea 'n' automobile, che ciasso!
«Ciù» stranudava tute le testine,
se passava un porcheto: Oh Dio che grasso!
4Se scadeva la sagra: Adio biondine,
come sì dolse e tendre[1] e molesine,[2]
quando sarave[3] che 'n'aremo[4] a spasso?
Se passava 'na sposa: Atenti al fosso!
8Le testine rideva a più non posso!
11.
L'era nata da quà la indovinela,
che à fato el giro de l'età beata:
quei çinquessento cavalieri in sela,
4co i brassi verdi e testa «insanguinata»
che quando i combateva a spada trata
drento un stòmego forte de putèla,
ghe voleva el dotor del so paese,
8par la batalia abùa[5] co le sirese!
