Pagina:I sogni.djvu/23

Da Wikisource
Jump to navigation Jump to search
100 percent.svg
Sta pagina la xe stà trascrita e rileta.



In Munissipio più gnente bandiera
ma gran raporti de carabinieri...
Quanti pensieri, Nina, oh, che pensieri
me costa adesso la to bela çiera,

15da che te si andà su co la coriera!

Nineta bela, lassa che te basa:
mi te pardono tuti i to pecati,
ma quà in montagna i ne tol via par mati,
tuti ne guarda e mi bison che tasa,

20Nina, bàdeme a mi, scapemo a casa!

Scade l'afito, e cissà mai bisogno,
che i nostri fiori g'avara de ti...
Ela, sul forsi, l'à supiado un: sì,
ma l'è tornada piena del so sogno,

25che se lo conto tuto me vergogno...

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:I_sogni.djvu/23&oldid=66642"