Pagina:I sogni.djvu/149

Da Wikisource
Jump to navigation Jump to search
100 percent.svg
Sta pagina la xe stà trascrita e rileta.



II.

— Siora Ninì da un poco la s'à sconto,
par la rason del sogno che ve conto:

Ninì, una note, sora i copi bassi
de le casete in fondo al vicoleto,
5l'à sentido dei passi...

J'era omeni strassi,1
co la lanterna e un fondo de sacheto;

j'era diavoli neri,
che butava de i sassi,
10drento dal finestrin de i so pensieri...!

La s'à messo el corpeto,
l'à verto la finestra e con dispeto:
«Dove andeo bruti omassi?»
G'à risposto un gobeto:

15— Siora curiosa n'à mandà qua uno
a supiar foie morte,
contro a quele finestre e quele porte
che sera fora el vento de l'autuno.

  1. strassi: straccioni
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:I_sogni.djvu/149&oldid=66702"