VI.
Passa le asse de le segarie,
che i tirolesi i tràfega in montagna,
le grepie intate de le bòarìe,
4co i canoti,1 col fien, co l'erba spagna:
banchi de ciesa e intiere sagrestie,
trave da sàta e trave da filagna,
e su le trave de le brute strie,
8che cavalca el disastro e fa cucagna!
Passa cuerti de paia e pavimenti,
le vache sgonfe, i porchi sbalotadi
11e tuti quanti i sete sacramenti;
tochi de ponti, molini desfadi,
e carosse e cavai coi fornimenti,
14e gambe e brassi e teste de negadi!
- ↑ canoti: le canne della polenta
