Pagina:I sogni.djvu/13

Da Wikisource
Jump to navigation Jump to search
100 percent.svg
Sta pagina la xe stà trascrita e rileta.



Come l'ariva su co la coriera1
e i postilioni i sona la corneta,
la bona gente che sta zò in piasseta
core a complimentar la forestiera,

10e el munissipio sfodra la bandiera...

Perepepèè, che gh'è la Nina in gloria;
su par i monti e drento de le stale,
vache, galine, pegore e farfale,
le s'à giurado de imbroiar la storia,

15co 'na note de canti e de baldoria.

I capitei, che tien da conto i santi
e i campanili da la ponta a ciodo,
laci, che gusto come me la godo,
telefonava de la via distanti:

20L'è 'na signora che sta ben con tanti...

  1. coriera: diligenza.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:I_sogni.djvu/13&oldid=66632"