24.°
— Ah, l'è dunque così, Dona Lombarda,
che ve credevi de salvarve vu?
Tanti secoli al mondo, che ve guarda...
(Voce lontana)
— L'è stado lu... L'è stado lu...!
5— Èri bela, èri zòvene e busiarda,
e par questo el demonio el v'à vossù...
Ah l'è proprio così, Dona Lombarda!?
(Voce lontana)
— No 'l farò più...! No 'l farò più...!
— Quà, ve acusa el putin da la so cuna,
10quà, ve acusa el vin bianco torbolin,
e le ociade spîone de la luna
e i sberlefi del muso de Alboin...
(Voce lontana)
— Alboin... Alboin...!
