Sta pagina la xe stà trascrita, ma la gà ancora da vegner rileta.
Co bruto vèdar che farà quel viso
Da la carne scarnìo:
Scometo se 'l lo vede in paradiso
Scamparave anca Dio!
E da la panza finamente ai pie
Altro no restarà
Che un tronco duro, çinque steche, o sie,
Come 'n osso d'asià.
Fa pur la bula adesso, e la smargiassa
Per farme rabia a mi,
Se vedaremo, cara, in-te-la cassa
Se ti farà cussì.
Se vedaremo quando che scarnia
Come un spin de sardela,
A farte vegnarò la notomia;
Arivederçi, bela!.:.