XXII.
EL CAMPANIEL DE SA' MARCO
a Gigio Vendrasco
Co passo per la Piazza e vardo in suso,
Che ghe manca me par el so splendor;
E do lagreme calde per el muso
Me cola zozo, e me se strenze el cuor!...
Alto, stupendo el gera; e, se vedeva
Da lassù, el mar, i monti e le çità;
Za più de undese secoli el gaveva
E in-t'un atimo, pùnf... el xe cascà!
In quel momento gera là sul Molo
Che vardava un Vapor vegnir da 'Lio,
E vedendo i colombi alzarse a svolo
Da la Piazza, voltà me son indrìo;
