Sta pagina la xe stà trascrita, ma la gà ancora da vegner rileta.
VI.
ALA MUSICA IN PIAZZA
A l'amigo Anzolo Zoni.
L'altra sera vedo in Piazza
'Na regazza
Che me struca l'ocetin;
La gaveva la scarpeta
De vacheta,
E sul peto un mazzetin.
Come un fior bela la gera,
Ma de sera
No se pol distinguer ben;
Fato stà che sta putela,
Bruta o bela,
Propio arente la me vien;
E voltandome la testa:
― «No xe questa,
Vero, el diga, la Manon?»
― «Siora si, l'ato secondo,
(Ghe rispondo),
Quando lu 'l va in-t'el Salon... »