XLVII.
O povari i mii versi, andai de mal
Come i vovi co drento el pulesin!
Dirò anca mi come diseva un tal:
— «La roba vecia spuzza da freschin...»
Chi la puina incartarà, chi 'l sal,
La polenta col pesse el fritolin,
E qualchedun ve buterà in Canal
Forbindose magari... ah, el xe un destin!
Mia mare me diseva: ― «Sto mestier,
Nol xe per ti!...» (E lo capisso; infati,
Sarave megio far el calegher)...
— ...Se no ti va a San Servolo coi mati;
Mati a Venezia ghe ne xe un mièr:
E i versi lassa che li fassa i gati!...»
Fine
