SCENA IX.
Bettina, Orsolina e detta.
Orsolina.
Vado a dirghe ala mama che l'Emilia xe andada via; se no, no la vien fora da la so camara per tuto el zorno.
Bettina.
La xe ben bona, per farghe dispeto a culia, de sacrificarse ela; e st'altra no ghe gnanca bada e la se ingrassa de più. Adesso la gera a brasseto de quela zogia de so zerman e la rideva come una mata.
Nene.
La rideva, ah?
Bettina.
Sì, e lu gera indafarà a contarghe mi no so cossa.
