compatir. Varda deboto i sarà qua: vado dal mio Carleto. Vegno subito.
Via a sinistra.
Rosa
stupita.
Salo che no conosso più la paronçina?
Menego
tutto giubilante.
Eh! la lezion ga fato el so efeto. Al terzo ato, co i vol separarse, le pianzeva come do putele. Gran idea che me xe vegnua!
Rosa.
Ma.... cossa dai dele lezion a teatro?
Menego.
Megio! I insegna el segreto per aver la pase nele famegie. Ma, per carità, varda che sia tuto pronto! Xe dies❜ore che no magno e me rusa le buele.
Rosa.
Eh! mi digo che i darà una bela magnada tuti quatro.
Via.
