man, in do mesi che son da vualtri, gò disnà poco più de trenta volte. Varda, ghe n'avemo 18 de marzo, al primo t'ò dà le çento lire dela pension e oramai so in credito de diese disnari, de quatro marende e de sie çene che xe andae a spasso sempre per le barufe de to mare e de to mugier.
Bepi.
Ti ga rason, ma....
Menego.
Cossa vustu che te fassa anima mia? E mi intanto un poco ala volta devento seco incandìo come una sardela.
Bepi.
Tasi che per ancuo çercaremo de rimediar. Ti ciama la mama, mi ciamo mia mugier, e andaremo a disnar a l'ostaria.
Menego.
Provemo.
a destra.
Siora Anzoleta, la verza,1 siora Anzoleta.
Bepi
a sinistra.
Celestina, verzi un momento, Celestina.
- ↑ La verza: apra.
