Momolo
con un respiro.
(Oimè! El se ne va!)
Emilia.
No sarà mai dito vero che te lassa andar via.
Momolo.
Mi me despiase, ma dal momento che el vol andar via, no bisogna che lo sforzemo a restar.
Piano a Rosa e ad Emilia.
Sentì una cossa. Ti lassa che Ubaldo vada via, ti mama licenzia Betina, cussì ve contentè tute do.
Rosa.
Mi no licenzio quela tosa...
Bettina
che avrà ascoltato.
No sarà mai dito vero che mi vaga via de sta casa, perchè no go fato cative azion, perchè ghe vogio ben ala parona; e se i me cassarà via, me metarò sul scalin dela porta e morirò de fame.
Piange.
Rosa.
No, povareta, no che nissun te mandarà via.
