Momolo.
Ghe assicuro, siora Carlota, che quelo che ga dito mia mugier su Orsolina no xe che una ciacola de femene e che Orsolina xe dispiaçente, povareta, perchè la ga paura che Toni gabia tolto la cossa sul serio.
Carlotta.
El me dà proprio la vita co' ste parole; perchè anca mio fio gera disparà.
Momolo.
Ben! Su sto proposito speremo dunque che vada tuto ben. Ma adesso bisogna...
Rosa.
Andemo, la ghe conta quelo che la m'à dito a mi geri; la ghe prova col fato che nualtre no se inventemo gnente.
Momolo.
Andemo, dove xele ste prove?
Carlotta
imbrogliata.
Mi no go dito de esser proprio convinta... ma lo saveva per parte de persone degne de fede...
