SCENA III.
Rosa e Momolo.
Rosa vestita per uscire. Attraversa la scena per andarsene.
Momolo.
Mama! Ascolta, mama; andemo vien qua...
Rosa.
Ah! Ti ga tanto coragio de ciamarme ancora? Dopo de averme perso el rispeto, dopo de aver cassà via siora Carlota...
Momolo.
Sì, ti ga rason; ma dopo tuto son sta tirà per i cavei. Da che son nato no t'ò mai perso de rispeto e geri proprio gera fora de mi e no saveva quel che façeva.
Rosa.
Sì, sì. Cossa vustu insoma?
Momolo.
Senti mama. Mi ghe vogio ben a mia mugier, so
