Orsolina.
E, a causa de ste ciacole, Toni xe andà via zurando de no mètar più el piè in sta casa.
Bettina.
Zuramenti da mariner. La vedarà che presto el torna, sì.
Orsolina.
Dio lo vogia. — Dòrmelo mio fradelo?
Bettina.
El xe vegnuo a casa sta note tardi, el se ga butà sul sofà e mi no lo go più visto.
Nene.
E... st'altro? L'amigo?...
Bettina.
Colù, come gnente fusse, el xe andà in leto geri ale nove e el dorme ancora.
Nene.
Oh! Che zente! Vedaremo adesso come che la andarà a terminar.
Bettina.
Oh! Gamba! che el xe qua.
Esce.
