Giudita
(di malumore).
Eh! Una signora che se serve da mi.
Carlo
(con aria di superiorità ha fatto cenno a Norma di quietarsi, che aggiusterà lui tutto — poi a Cecilia c. s.).
To sorela batiserà el mascieto che presto, speremo, ne manderà la Providenza; ma per stavolta ti farà quelo che t'ho dito.
Cecilia.
Oh! no serve che ti me tiri i oci perchè ti me fa da rider. (a Norma) No la creda che sia per farghe una malagrazia, anzi me dispiase, ma oramai gera tuto destinà....
Norma.
Mi so qua imagada, me par un insogno!
Carlo (a Norma, sorridendo).
Gnente: fenomeni isterici. (poi a Cecilia imperioso) Va a tor la putela che vedemo se la par bon messa su sto cussìn.
Cecilia.
Oh! sì! Queste xe le ore che la dorme, e no ghe provo gnanca ste bele scufiete che ga portà la santola.
Carlo
(fremente, ma dignitoso). Alora andarò a torla mi.
Cecilia (scattando).
No tocarme minga mia fia, sa, se no te sgrafo i oci.
