Norma
(sempre di dentro gridando).
La Norma!... Par che se gabia magnà i fasioi nell'istessa squela.
Bovola
(c. s. e gridando sempre più).
Ah!... Sior'istoria, la vada a farse benedir!
Daniel.
Cara ela, no la ghe bada.
Giudita (sull'uscio).
Ma tasi ti, Bòvola!
Carlo (a Norma).
Vegnì avanti, vegnì. Tas ti, ui!
Norma
(sull'uscio infuriata gridando verso l'ingiù. È vestita con sfarzo, con lusso volgare. Cappello con piume, pelliccia, gioielli).
Gavè rason che se una dona; se fussi un omo ve sgionfaria de sberle.
Giudita.
La le compatissa, per carità.... (chiudono l'uscio perchè non si senta più la voce di Bòvola).
Norma
(sempre in collera).
Norma!... Xe qua la Norma!... Va ben che so conossua anca co sto nome; ma no ghe xe razon de zigarlo ai quattro venti.... Arè creature, se se ga da imbilarse cussì.... Za lo so che andar in sacrestia me porta scalogna.
