Bapi.
Me par adesso!
Daniel.
E che buli che gerimo co la livrea de la americana. (ride) Ah, ah, ah!
Bapi.
Adesso lu no ghe starave più drento.... per la panza....
Daniel.
I pensieri, vecio, i afari!... (ridono)
Bapi.
E mi perchè livree no vogio portarghene.
Carlo.
Ah! Ti ga sempre le to idee, ti!
Bapi.
Mi dicono! E più che vivo e che imparo, e più ciare le deventa.
Carlo.
Sta in gamba, perchè me ricordo, prima che ti andassi via, un brigadier mio amigo me diseva che i te tien d'ocio e che te consigliasse....
Bapi.
Oh! So ch'el gera in boni raporti co l'autorità.... Nol ghe l'ha dito a un sordo.... pesarò le parole co lu.
Carlo
(offeso, avanzandosi).
Ehi! Cossa voresistu dir?
