Pagina:El marìo cortesan.djvu/52

Ton. Ho sentì tutto, e torno a far el becco all'occa.
          No se pol pensar meggio de quello, che l'ha ditto
          De sposar la putella, e coll'amiga, zitto.
          L'andarà sulle furie, perchè no la vorria;
          Ben, quando le sposada montar in barca, e via.
          Che la ghe tenga drio a Roma, se la pol:
          Nu quà la lassaremo criar quanto la vol.
          Mi a sto bon galantomo ghe vedo el cor in man,
          Ello partir vorrave per Roma anca doman.
          Col gha l'amiga in sedia, nol vol più de cusì.
          Sentelo quella tosse? el ne vol dir de sì. parte.
Zan. (Culia m'ha inteso in aria, e ziogo la m'ha fatto.)
          Eh ben cossa me diselo? Seremo sto contratto?
Ott. Io son quà... ma c'è ancora un no so che, ch'io temo.
Zan. Vien della zente adesso, doman discorreremo.

SCENA VIII.

Giulia, Bortolo, e detti; poi Tonina, Bettina, e Lucietta. ¹

Zan. CHe finezza xe questa per far che soffra, e tasa?
          Prima della comedia vien mia mugger a casa?
Giul. Veniamo a salutarvi, poi se ne andiam di fretta.
Zan. Graziette, cara fia: andè che no i ve aspetta.
          Godevela al Teatro; vardeve ben dal freddo:
          Almanco un scaldapie vel portarè mi credo.
          Anzi stupì, e vardè se penso a vu ben mio,
          Vojo che abbiè sta sera tutto el bisogno adrìo.
          Poderè mudar cottola, se questa ve par sbrisa;
          Poderè, se ve occor, muarve de camisa.
          Vegnì mo via, Tonina, se tutto xè giustà. ²
Giul. Che vuol dir questa istoria? ³
Bort. Adesso el vel dirà.
Ton. La marcanzia xe quà, sia bona, sia cattiva,
          Dove ghal da portarla?
Zan. In barca zo alla riva.
Giul. Quella roba con noi dentro la barca nostra?
          Come? cosa ho da farne?
Zan. Alfin l'è roba vostra.
          L'è quà: no la volevo nè vender, nè impegnar:

1. Due servitori entrano nella camera di Giulia.
2. Esce Tonina colle altre, e i servitori portano fuori due Bauli.
3. A Bortolo.