Pagina:El libro primo de la Iliade de Omero.djvu/52

Da Wikisource
Sta pagina la xe stà trascrita, ma la gà ancora da vegner rileta.


91.

Giove, tirando alora un sospiron,
- L'è un bruto imbrogio (el dise) in verità,
Co la furia che xe siora Zunon;
Guai se la sa che apena t'ho ascoltà!
Chè farghe no se pol capir rason:
Presto vissere mie, va via de quà:
La xe, se la te vede ai mi' zenochi,
Muso capace de cavarte i ochi.


92.

Femo le cosse come le va fate,
Tegnimo sconto tuto a mia mugier:
Se fa cussì co quele teste mate!
Doman co quiete te farò el piacer:
Za, dime chiò, de poco la se imbate.
A cossa fata la starà a dover. -
Sbassae le segie i rizzi el ga scorlà,
E tuto el monte Olimpo ga tremà.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:El_libro_primo_de_la_Iliade_de_Omero.djvu/52&oldid=62449"