Pagina:Delli componimenti diversi di Carlo Goldoni 2.djvu/23

     Bela stagion per chi ala ¹ Cazza inclina,
     Che Oselami se trova in quantità,
     E chi gh'ha la passion d'andar a trar ²
     In sta bela stagion se pol sfogar.

8Tra i amatori de sto bel dileto,
     Che se ³ strussia per spasso, e se sfadiga,
     Sier⁴ Piero Bonfadini è el più perfeto
     Cazzador, tirador, de prima riga.
     Credo, che da Diana el sia proteto,
     La casta Dea dei cazzadori amiga,
     E l'argomento mio xe ben fondà,
     Perchè una botta no l'ha mai falà.

9Questo xe un Cavalier, d'un bel talento,
     D'onorati costumi, e onesto cuor,
     D'otimo, equilibrà temperamento,
     Schiavo del so dover, mai del'amor;
     A sostener nei Tribunali attento
     La Giustizia, la legge, e el proprio onor,
     Onde a la ⁵ Quarantia pien de conceto,
     A pieni voti l'ha el ⁶ Conseggio eleto.

10Dai gravi pesi, dal tremendo offizio,
     Che decide de roba, e vita, e morte,
     El so caro Solievo è l'esercizio
     De trar in tera le Pernise morte.
     Povere bestie! Per qual colpa, o vizio
     Hale mai da incontrar sì trista sorte?
     Come un giudice mai dei più clementi
     Porlo sacrificar tanti innocenti?

11Ma questo xe un poetico voveto, ⁷
     Ne Pitagora gh'intra un bagatin, ⁸
     Che per l'omo ha creà Dio benedeto
     Pessi, oseli, anemali, e el pan, e el vin.

1. Caccia.
2. A tirare, cioè alla caccia coll'archibugio.
3. Strussiarsi è quasi sinonimo di affaticarsi, ma con maggior pena.
4. Sier è il titolo, che si dà ai nobili in Venezia in luogo di Signore, o Eccellenza.
5. La Quarantia è il corpo sovrano, che giudica.
6. Il gran Consiglio, ch'è il Padrone della Repubblica.
7. Una pazzia.
8. La duodecima parte di un soldo, e vuol dire, che Pitagora non c'entra per niente.