Sogio un mostro tanto odioso?...
O me torla per un toso
Che ghe piase lusingar...,
Che vien solo per... scherzar?...
Bela bionda,
La risponda...,
La me fazza sto piaçer:
Dove gala el so pensier?
Mi so un zòvene pulito
Che ga sempre filà drito,
E co tute quele tose
Che go avudo per morose,
So sta sempre assae discreto..
M'à bastà qualche baseto,
Carezzarle e sospirar...
Se la vol... se pol provar!...
Bela bionda,
La risponda,
La me fazza sto piaçer:
La me diga el so pensier!...
