Sta pagina la xe stà trascrita, ma la gà ancora da vegner rileta.
Ti vien a dirme: Piavolo,
Lasagna, pantalon...
E ti vol darme el perfido
Balo de l'impianton!
Marcia!... Va via!... Vergògnite!..
Çerchite un altro amor...
Al primo che te capita
Dònighe pur el cuor…..,
Ma, varda ben..., ricòrdite!...
Tra i pìe no me vegnir
Se caso mai per scrupolo
Ti te vorrà pentir...
Perchè sarò teribile...
E forse più crudel
De quel che ti me giudichi
Ti, che ti xe infedel!