Xelo el modo, questo qua!...
Dove xe l'umanità?!...
Ma cossa crèdelo?
Se lo ciapo per el colo
Ghe lo strenzo e no lo molo
Fin che go ànema!
— Zo!... El se quieta! Andemo..., el tasa;
Mi lo lasso star in casa..
Quanto ghe comoda! —
Per vualtri ghe voria
Che s'ciopasse l'Anarchia..
Magari subito!
― Zo!... No 'l ziga, chè la zente
La fa bòssolo per gnente!...
Eco qua i Vigili!... —
Da qual labbro è mai partita
La ria frase or ora udita?
Senza confònderme...,
Mi ghe mostro ai do... prussiani
Vigilanti e... molto urbani
Sior Checo Mèmini
Che l'andava come un treno
Senza guida e senza freno...,
A tuta machina!
Dito un grazie a malapèna
E voltàndome la schena,
Al novo... anarchico
In do salti i ghe xe adosso
Come cani sora un osso
E... i te lo intrâpola!
Pagina:D'Alpaos - Svoladine e refoli, Venezia, Visentini, 1897.pdf/57
Sta pagina la xe stà trascrita, ma la gà ancora da vegner rileta.